Page 138 - Carmina - Poesie latine

cernit:

hirundinibus leviter sonuere ruinae
suspensique nigris capitellis ordine nidi.
Apparent dumi tremulaeque cacumina silvae
et celsae pinus in vertice Pallanteo.
425 Coepit tum pastor traductam lampada luci
et matutino trepidam proponere vento,
dein bucca sufflare fera, dein mergere fonte:
nequiquam, posuitque iterum redditque sepulcro
ardentem, tacitumque iterum lapis occulit antrum.
430 Semper ubi splendens pendet tibi, maxime Palla,
primitiae tantae laudis tantique laboris,
atque agit excubias aeterno lumine Romae.

Aeternum spiras, aeternum, Roma, viges. Tu
post multas caedes, post longa oblivia rerum
435 et casus tantos surgentesque undique flammas,
tu supra cineres formidatasque ruinas
altior exsistens omni de morte triumphas;
tu populis iuris per te consortibus offers
mirandam te nunc in primo flore iuventae,
440 Pallantis similem, tutam fulgentibus armis,
accinctam gladio: terrarumque imminet orbi
illa ingens cuius gentes de lumine lumen
primum accenderunt, quae nobis discutit umbram,
Roma potens, vitae potior tua tempore lampas.

v. 3. De tribus nominibus Romae cfr. Gregorovius I, pag. 458; Graf, Roma nel Medio Evo, I, pag. 13 [Vide etiam quae
adnotata sunt ad v. 131 Solitudinis].
v. 7 sq. Cf. Soph. Antig. 781, 785.
v. 15. De Pallantis feretro cf. Verg., Aen. XI, 65: ― arbuteis... virgis ‖ et sqq. ad sqq.
v. 112 sqq. De ascia cf. Iac. Boni in Nuova Antologia, 16 aprile 1911, pag. 21.
v. 234. Frameati a framea. Tac. Germ. 6.
v. 278. Favisae locum sic appellabant, in quo erat aqua inclusa circa templa. Sunt autem, qui putant, favisas esse in
Capitolio collis cisternisque similes, ubi reponi erant solita ea, quae in templo vetustate erant facta inutilia. Fest. p. 62
Th.
v. 303 sqq. De Roma deserta cf. Gregorovius I, pag. 306, 309.
v. 409 sqq. De Pallantis sepulcro cf. Wilh. Malmesburgehsis (Migne, CLXXIX, pag. 1191), 357.

138